Шамат къоялда украиналъул президент Виктор Янукович щвана Москваялде россиялъул президент Владимир Путинилгун кIалъа-басаял тIоритIиялъул мурадгун.
Украиналъул президентасул сайталда лъазабулеб буго, Москваялде гьев анин кIиябго рахъалъулал дармилгун экономикиял гьоркьорлъабазул сулазул бицинеян, гьаб моцIалъул ахиралда Вильнюсалда тIобитIизесеб Евроцолъиялъул Машрикъалъул партнерлъиялъул саммит ракIалдеги босунин.
Украина хIадурлъулеб буго гьеб саммиталда Евроцолъиялъулгун ассоцияциялъулаб партенерлъи гIуцIиялъул документ гъулбасизе. Гьелде данде буго Москва. Россиялъ гIамал гьабулеб буго Киев СНГялъул чанго улкаялъ гIуцIулеб Таможенияб цолъиялде гъорлъе цIазе.
Януковичил цебесеб гара-чIвари букIана Минскалда 25 октябралда СНГялъул саммиталда. Хадуб 27 октябралда кIиявго лидерас гара-чIвари гьабуна Сочиялда.
Украиналъул президентасул сайталда лъазабулеб буго, Москваялде гьев анин кIиябго рахъалъулал дармилгун экономикиял гьоркьорлъабазул сулазул бицинеян, гьаб моцIалъул ахиралда Вильнюсалда тIобитIизесеб Евроцолъиялъул Машрикъалъул партнерлъиялъул саммит ракIалдеги босунин.
Украина хIадурлъулеб буго гьеб саммиталда Евроцолъиялъулгун ассоцияциялъулаб партенерлъи гIуцIиялъул документ гъулбасизе. Гьелде данде буго Москва. Россиялъ гIамал гьабулеб буго Киев СНГялъул чанго улкаялъ гIуцIулеб Таможенияб цолъиялде гъорлъе цIазе.
Януковичил цебесеб гара-чIвари букIана Минскалда 25 октябралда СНГялъул саммиталда. Хадуб 27 октябралда кIиявго лидерас гара-чIвари гьабуна Сочиялда.