Ссылки для упрощенного доступа

Америка-ЕвроЦолъи: жасусазул скандал


Хасал хъулухъаз гьабулеб цIех-рехалъул хъулухъазул хIалтIулъ хIажалъи кIудияб букIуна халкъазда гьоркьосеб терроризмгун къеркьолаго, амма партнёразда гьоркьоб божилъи хвеялде иш ккезе тезе бегьуларо. Гьедин лъазабулеб буго Европаялъул Цолъиялъул улкабазул лидераз Брюсселада ЕвроЦолъиялъул саммиталда гьабураб цадахъаб лъазабиялда.
Документ къабул гьабиялъе гIиллалъун ккун букIана Америкалъул хасал хъулухъал ЕвроЦолъиялъул гражданазул телефоназухъ гIенеккулел рукIанин раккарал харбал.
Франциялъ ва Алманиялъ Америка ахIулеб буго гьеб жасусазул скандалалъ бижизабураб кризис рагIалде бахъинабизе тадбирал тIоритIизе.
Британиялъул Guardian газетаялъ рузман къоялда хъвалеб букIана Америкаялъул миллияб хIинкъигьечIолъи цIуниялъул хъулухъалъ дунялалъул 35 улкаялъул лидеразул телефонал гIенеккулел рукIанин. Макъалаялъул авторас мугъчIвай гьабулеб буго Америкаялъул хасал хъулухъазда хIалтIулев вукIарав Эдвардом Сноуденил баяназда.
XS
SM
MD
LG