Журналистал цIунулеб комитеталъ Россиялдаса тIалаб гьабулеб буго

Нью-Йоркалда бугеб журналистал цIунулеб комитеталъ Россиялъул тIадтараздаса тIалаб гьабулеб буго Гринпис абулеб тIабигIат цIунулеб гIуцIиялъул гамида вукIарав фотожурналист Денис Синяков хвасар гьави.

Гьев ккун вугоан экологазда цадахъ. Журналистасде пиратлъи гьабиялъул гIайиб гIунтIизаби масхарода релъараб жо бугин, лъазабуна рехсараб комитеталъул вакил Нина Огняновалъ.