«Блогерал кьищни-къулалде данде» акция

«Блогерал кьищни-къулалде данде» абураб тIолго россиялъулаб акциялде гъорлъе 14 сентябралда лъугьана Дагъистаналдаги. Гьедин жамгIиталъул вакилзаби рахъун руго жидеца гIумру гьабулеб бакI рощнодаса бацIцIад гьабизе. Гьениб гIахьаллъи гьабулеб буго блогераз гурониги, батIи-батIияб жамгIиял идарабаздаса гIолилазгун студентазги. Акциялъул гIахьалчагIаз МахIачхъала бацIцIад гьабиялъул тадбирал Ак-гель хIорида сверухълъи бакIариялдасан байбихьана. «Блоггерал кьищни-къулалде данде руго» - абураб акция Дагъистаналъул цойгидал шагьараздагун мухъаздаги тIобитIизе руго. РацIа-ракъалъиялъул тадбирал республикаялда тIубараб анкьица ине руго. Акция гIуцIараз «Эркенлъи» радиоялъе бицана Дагъистаналъул тIабигIат цIуниялъул идараялъги, шагьараазул администрациязги кьищни-къул бакIариялъе хIажатал сурсатал чIезарунин, ва гьабулеб хIалтIулъ жигараб гIахьаллъиги гьабулеб бугилан.