ГьатIан къоялъ Мисралъул туснахъазул цоялда жанир тIамураз хъаравулзабазе гьабураб дандечIеялъул хIасилалда хун вуго 38 туснахъ. Гьел кколел рукIун руго «Вацал-бусурбаби» багъа-башариялъул рахъ кколел. Каиралъул сверухълъиялда бугеб туснахъалде рачунеб мехалда лъутизе къасд гьабурал жанир тIамуразде данде полициялъ магIу бачIинабулеб газги хIалтIизабун буго. Мисралъул улка цIуниялъул министрас лъазабуна улкаялда тIокIаб зулму биччIазе гьечIин ва хъулухъалдаса рехарав президент МухIамад Мурсил рахъ кколел гьес ахIана демократиял хиса-басиял гьариялъул процессалде гъорлъе лъугьине.