Венгриялда нацистазул хъулухъчи хвана

Венгриялъул азарханаялда гIумруялдаса ватIалъана Дунялалъул КIиабилеб Рагъул заманалда нацистазе хъулухъ гьабулев вукIарав Ласло Чатари.

Гьесие бан букIана 98 сон.

Исана июнь моцIалда Венгриялда гьесде гIунтIизабун букIана жугьутал чIваялда, гьел концлагеразде ритIиялда ва гъозие гIазаб-гIакъуба кьеялда хурхен букIиналъул гIайиб.

Доб заманалда Чатари вукIун вуго геттоялъул полициялъул бетIерлъун.

Рагъдаса нахъе Чатари гочана Канадаялде. Жиндирго ватIаналде гьев тIад вуссана 15 соналъ цебе.