Монсерат Кабалье Азербажаналде йиччалей гьечIо

Испаниялъул цIар арай кочIохъан Монсерат Кабалье Азербажаналде ячIине изну кьолеб гьечIо гьеб улкаялъул нухмалъиялъ.

Гьединаб хIукму гьабун буго дагьалъ цебе Кабальеца МугрIул Гъарабахалде сапар бухьун букIиналъухъ.

Азирбажаналъул тIадтараз гьеб ракь жиндираблъун рикIкIунеб буго, ва абулеб буго добе сапар бухьизелъун Азербажаналъул изну хIажатаб бугин.