Гьел ккола МахIачхъалаялдаса Артур Минбулатовги, Хачубег ХIадисовги, Шамил ва Закаря ХIажиевалги. Гьел гьабсагIаталда туснахъ гьарун руго.
Гьеб хIужа ккана исана 9 июлалда. Москваялда «Toyota Land Cruiser» автомобилалда унел рукIарал дагъистанияздаги депутатаздаги гьоркьоб дагIба ккун буго нух сабаблъун.
Дагъистанияз абулеб буго гьес жидее нух кьолеб букIинчIин. Депутатасин абуни гIайиб гьезде гьабулеб буго, нуж мекъи унел ругин абидал, автомобилалъуса къватIиреги рахъун гьез жив вуханилан.
Цинги Худяковас гьез гьабулебщинаб телефоналде бахъулеб букIун буго, гьеб мехалда дагъистаниял журан руго гьесухъа телефон бахъизеги. Амма бажарун гьечIо. ПалхIасил, депутат Худяковас лъазабуна ботIрол нахуе жагъаллъи ккезегIан вухун дагъистанияз жив азарханаялде ккезавунин.
Туснахъ гьарун хадур гьел ратIа рахъизе лъан ругоан азарханаялдаса вачун вачIарав депутатасда. Диваналде вачIиндал бицунеб букIана гьес жив Думаялъул депутат вугилан документ бихьизабун хадуб, «нуж, депутатал, чIвазе кколин» ахIданила гьел жинде.
Дагъистаниял ккуна Волгоградалда аскIор. Полициялъул баяназда рекъон, Артур Минбулатовги Закарья ХIажиевги рахъараб видеоги рагIула Москваялда. 13 марталда «Европейский» абулеб дармил централдеги рачIун, гьез цо рестораналъул хважаинасухъа 30 млн гъурущ тIалаб гьабулеб букIун буго.
Гьанже гьеб гIайибги рехизе буго гьезда тIаде.
Минбулатовасул эбелалъ абулеб буго депутат Худяковас жиндир вас хIакъир гьабун хъубал рагIаби абун ругин, гьеб дандеккун гьечIин гьесие. Цо-цо информалатаз гьеб лъугьа-бахъин хурхинабула миллатчилъиялда.
Амма Артур Минбулатовасул эбел Нина ккола гIурусай. Гьединлъидал жиндир васасул кинабгIаги гIилла букIинчIин миллатчилъи бихьизабизеян абулеб буго гьелъ. Жидеца васасулъ миллатаздехун рокьи куцан букIанила.
Туркиялъул колледжалдаги, Англиялдаги гIезегIан лъикIаб лъайги щванила Артурие. Гьедин бицунеб буго гьесул эбел Нинаца Лайфс-ньюс каналалъе.
Артур Минбулатовасул эмен Вагьаб чIвана МахIачхъалаялда 2006 соналда.
Гьев республикаялда гIезегIан машгьурав чи вукIана. Дагъистаналъул педагогикияб университеталъул проректорги кколаан гьев. Гьев чIван хадув, лъади Нина жиндирго гIагарлъиялъухъе Москваялде тIадюссун йиго, васги гьесул хъизанги МахIачхъалаялдаги тун.
Депутатасдаги дагъистанияздаги гьоркьоб ккараб дагIба-къецалъе цебеккунго къимат кьезе бажаруларин абулеб буго ЭР-лъе Казбек мухъалдаса жамгIияв хIаракатчи Гъайирби Гъайирбица.
Худяков ЛДПРалъул депутат вукIиналъги ццим бахъинабун батилин дагъистаниязул абун рикIкIунеб буго «ГIагараб Дагъистан» фондалъул нухмалъулев ХIабиб Давудовас. Щайин абуни гьеб партиялъул цевехъан Жириновскияс гIемер гьарулила кавказиязул къимат хварал лъазабиял.
Масала, дагьалъ цебегицин абунила гьес гIемер лъимал гьарурал руччабазе Россиялда кьолеб гIарцудаса махIрум гьаризе кколин Шималияб Кавказалъул руччаби.
Звенигородалда лъаралъ гъанкъулей йикIарай кIиго яс хвасар гьавурав Дагъистаналдаса Марат РахIматовасул бицунебго гьечIин Россиялъул информалатаз, амма дагьабниги гIунгутIи кодобе щвани, дагъистаниязул бицунин кIодо-кIодоги гьабунилан абулеб буго республикаялда.
Гьеб хIужа ккана исана 9 июлалда. Москваялда «Toyota Land Cruiser» автомобилалда унел рукIарал дагъистанияздаги депутатаздаги гьоркьоб дагIба ккун буго нух сабаблъун.
Дагъистанияз абулеб буго гьес жидее нух кьолеб букIинчIин. Депутатасин абуни гIайиб гьезде гьабулеб буго, нуж мекъи унел ругин абидал, автомобилалъуса къватIиреги рахъун гьез жив вуханилан.
Цинги Худяковас гьез гьабулебщинаб телефоналде бахъулеб букIун буго, гьеб мехалда дагъистаниял журан руго гьесухъа телефон бахъизеги. Амма бажарун гьечIо. ПалхIасил, депутат Худяковас лъазабуна ботIрол нахуе жагъаллъи ккезегIан вухун дагъистанияз жив азарханаялде ккезавунин.
Туснахъ гьарун хадур гьел ратIа рахъизе лъан ругоан азарханаялдаса вачун вачIарав депутатасда. Диваналде вачIиндал бицунеб букIана гьес жив Думаялъул депутат вугилан документ бихьизабун хадуб, «нуж, депутатал, чIвазе кколин» ахIданила гьел жинде.
Дагъистаниял ккуна Волгоградалда аскIор. Полициялъул баяназда рекъон, Артур Минбулатовги Закарья ХIажиевги рахъараб видеоги рагIула Москваялда. 13 марталда «Европейский» абулеб дармил централдеги рачIун, гьез цо рестораналъул хважаинасухъа 30 млн гъурущ тIалаб гьабулеб букIун буго.
Гьанже гьеб гIайибги рехизе буго гьезда тIаде.
Минбулатовасул эбелалъ абулеб буго депутат Худяковас жиндир вас хIакъир гьабун хъубал рагIаби абун ругин, гьеб дандеккун гьечIин гьесие. Цо-цо информалатаз гьеб лъугьа-бахъин хурхинабула миллатчилъиялда.
Амма Артур Минбулатовасул эбел Нина ккола гIурусай. Гьединлъидал жиндир васасул кинабгIаги гIилла букIинчIин миллатчилъи бихьизабизеян абулеб буго гьелъ. Жидеца васасулъ миллатаздехун рокьи куцан букIанила.
Туркиялъул колледжалдаги, Англиялдаги гIезегIан лъикIаб лъайги щванила Артурие. Гьедин бицунеб буго гьесул эбел Нинаца Лайфс-ньюс каналалъе.
Артур Минбулатовасул эмен Вагьаб чIвана МахIачхъалаялда 2006 соналда.
Гьев республикаялда гIезегIан машгьурав чи вукIана. Дагъистаналъул педагогикияб университеталъул проректорги кколаан гьев. Гьев чIван хадув, лъади Нина жиндирго гIагарлъиялъухъе Москваялде тIадюссун йиго, васги гьесул хъизанги МахIачхъалаялдаги тун.
Депутатасдаги дагъистанияздаги гьоркьоб ккараб дагIба-къецалъе цебеккунго къимат кьезе бажаруларин абулеб буго ЭР-лъе Казбек мухъалдаса жамгIияв хIаракатчи Гъайирби Гъайирбица.
Худяков ЛДПРалъул депутат вукIиналъги ццим бахъинабун батилин дагъистаниязул абун рикIкIунеб буго «ГIагараб Дагъистан» фондалъул нухмалъулев ХIабиб Давудовас. Щайин абуни гьеб партиялъул цевехъан Жириновскияс гIемер гьарулила кавказиязул къимат хварал лъазабиял.
Масала, дагьалъ цебегицин абунила гьес гIемер лъимал гьарурал руччабазе Россиялда кьолеб гIарцудаса махIрум гьаризе кколин Шималияб Кавказалъул руччаби.
Звенигородалда лъаралъ гъанкъулей йикIарай кIиго яс хвасар гьавурав Дагъистаналдаса Марат РахIматовасул бицунебго гьечIин Россиялъул информалатаз, амма дагьабниги гIунгутIи кодобе щвани, дагъистаниязул бицунин кIодо-кIодоги гьабунилан абулеб буго республикаялда.
