Америкаялъул Пачалихъияв секретарь Джон Керри Иорданиялда щвана Сириялдаса лъутаразул мархьиялде. Сириялъулгун гIорхъода аскIоб бугеб Заатари абулеб мархьиялда гIумру гьабулеб буго 100 азаргоялдаса цIикIкIун чияс. Гьеб сапаралда Керрида цадахъ вукIана Иорданиялъул къватIисел ишазул министр Нассер Джудегьги. Лъутараз Керрида гьарулеб букIана Сириялда тIасан хIукуматалъул аэропланал роржине гьукъулеб зона Америкаялъ чIезабеян. Иорданиялда вуго Сириялдаса лъутарав 600 азарго гIанасев чи. Жеги нус-нус азарго лъутарав вуго Сириялъулгун гIорхъода ругел Либаналда ва Туркиялда.