Гражданияв активист Алексей Навальныясе арбагI къоялда гьабизе буго Москваялъул мэрасул рищиязда кандидат хIисабалда регистрация. Гьедин лъазабуна Москва шагьаралъул рищиязул комиссиялъул бетIер Валентин Горбуновас. Гьесго абуна Навальныясул документазда чIвазе кинабгIаги багьанаги гьезул гьечIин. «Кировлесалъул» суалалда тIасан унеб диваналъул процессалъги гьеб регистрациялъеги квал-квал гьабизе гьечIин абуна Горбуновас, щайгурелъул «диваналъул хIукму кинаб букIине бугебали ва кида гьеб къуваталде лъугьине бугебали жеги лъаларин».