Исана 15 июналда тlубала ункъго сон машгьурай инсанасул ихтиярал цIунулей Эстемирова Наташа чlваралдаса. Гьей Грозныялда жиндирго рукъалъул кIалтIаса автомашиналъуйги къазаюн йикъун уна 2009 соналъул 15 июлалъул радал ва гьебго къоялъул бакъанида Гъалгъаялъ нухлул рагIалда батула гулбуз борлъборлъараб гьелъул жаназа. Гьелдаса нахъе ункъго сон аниги гьечIо гьеб такъсиралъул цlех-рехалъул кинабгlаги цебетуркlи. Гьеб гьанжеги 15 августалде щвезегIан халат бахъинабун буго. Гьеб ишалъулъ аслияв гIайиб бугевлъун рехсолев ва халкъаздагьоркьосеб цIех-рехалде лъазавун вуго Алхазур Башаев. Гьедин лъазабуна жакъа Россиялъул цIех-рехалъул комитеталъул вакил Владимир Маркиница. Гьесулго рагIабазда рекъон, Эстемирова чIваялъе гIиллалъун букIине бегьула Башаевас «рохьоре» ине гIадамал ралагьулел рукIиналъул хIакъалъулъ ва Чачан республикаялъул нухмалъи какарал макъалаби гьелъ хъвай.