Европаялъул Цолъиялде гьоркьоре унел улкабазул лидераз Брюсселалда унеб саммиталда хIукму гьабун буго Сербиягун гьеб ЕвроЦолъиялде босизелъун кIалъа-ралъаял байбихьизе. Гьедин лъазабуна Твиттералдасан Европаялъул Щураялъул нухмалъулев Гьерман Ван Ромпейица. РакIалде кколеб буго Сербия ЕвроЦолъиялде босиялда сверун кIалъа-ралъаял январалда байбихьизе ругин.