Сомалиялъул хІукуматалъ лъазабулеб буго улкаялъул тахшагьар Магадишоялда Цолъарал миллатазул гІуцІиялъул вакиллъиялде «Аль-Каидаялъулгун» бухьен бугеб «Аш-Шабаб» абураб исламистазул къокъаялъул яргъид гІуцІарас гьабураб терракталъул хІассилалда хванин микьго чийин. Хваразда гъорлъ рагІула къватІисел улкабазул хІинкъигьечІолъиялъул хІалтІухъабазул ункъго чи, гьедигІанавго бакІалъулавги, гьездаго гъорлъ рикІкІун вуго бомба кьвагьизабурав хвалде уневги.