Москваялъул мэрасул рищиял ирга щвезегIанго тIоритIизе руго 8 сентябралда. Гьединаб хIукму гьабуна шагьаралъул Думаялъ рузман къоялда иргадулаб гуреб данделъиялда. Къануналда рекъон, щуго къоялъул болжалалда жаниб гьеб хIукму къватIибе загьир гьабун хадуб байбихьизе буго рищиязул компания. АрбагI къоялда президент Владимир Путиница къабул гьабун букIана мэр Сергей Собяниница хъулухъалдаса нахъе инелъун хъвараб гIарза ва рищиял тIоритIизегIан гьевго тун вукIана мэрасул ишал тIуразарулевлъун.