Москваялда теракт хIадурулеб букIана Башкириялдаса рачIараз

Москваялда кьвагьи хIадур гьабиялде шаклъи букIарав ва Орехово-Зуево абураб шагьаралда тIобитIараб хасаб операциялъул хIасилалда чIварав кIигояв вукIун вуго Башкириялдаса рачIарал.

Гьеб къукъаялъул гIахьалчилъун кколев лъабабилев ккун вуго полициялъ. Гьевги Башкириялдаса вачIун вугин, лъазабулеб буго ФСБ-ялъул хъулухъчагIаз.

Гьез киназго рагъулаб хIадурлъи гьабун букIана Апгъанистаналда ва Пакистаналда ругел радикалиял бусурбабазул мархьабазда.