Цинги хъата-масан ахIун рачIарал кинологаз тIатинабун буго гьеб жо кьвагьизе къачIан лъураб алат букIин. Саперазул рагIабазда рекъон, гьеб букIун буго тротилалъул цо килограммалда бащадаб къуваталъул кьвагьул алат.
20 маялда МахIачхъалаялда гьабураб теракт лъил пишаяли баянлъизабулел хIужаби ругин жидехъ, лъалин гьезул цIаралги, амма гьабсагIаталда рагьун гьелъул хIакъалъулъ бицине рес гьечIин жидер абураб информация буго интернеталда Дагъистаналъул жанисел ишазул министерлъиялъул хIалтIухъанасде мугъчIвайги гьабун кьураб.
Гьединго ватун вугила гьеб бакIалда кьвагьизабураб автомобилалъул бетIергьанги. ЦIех-рех рагIалде бахъинегIан гьесул цIарги абун бажаруларила.
Амма ЭР-ялъ бухьен гьабидал, жанисел ишазул министерлъиялъул пресс-хъулухъалда лъалеб жо батичIо гьелда тIасан.
Гьез гIицIго тасдикъ гьабуна доб кIиабилеб нухалда кьвагьизабураб автомобилалъул бетIергьан ватиялъул хабар. Гьеб рагIула гIага-шагарго ВАЗ-2108 моделалъул автомобиль.
ТIоцебесеб кьвагьи бахъараб бакIалдаса 20-30 метралъ рикIкIадегIан чIезабун букIун буго гьеб. Амма республикаялда чанги рукIана терактал цереккун гIадамазул рикъарал автомобилал кьвагьизарурал. Гьаб нухалдаги гьединго батизе бегьулин абулеб буго пресс-хъулухъалъул вакилзабаз.
Диваналъул приставазул минаялда цебе кьвагьизабураб тIоцебесеб автомобиль буго гьеб идараялда хIалтIулев чиясул «Тойота-Хайландер». Гьев чи ришватчилъиялъул бутIаялъул нухмалъулев вукIанин абулеб буго полициялъ.
Гьенир бищун гIемер жидер, диваналъул приставазул хъулухъалъул, хIалтIухъаби чIванин, гьединго идараялъул нухмалъулев ТIалхIат Амировасул васасул хъаравулги чIванин бицунеб буго гьений хIалтIулей гIаданалъ. Амма гьелъие бокьичIо жиндирго цIар бицине, щайгурелъул щибниги бицунгеян лъазабулеб бугила жидеда.
Диваналъул приставазул хъулухъалъул хIалтIухъан: «ТIалхIат Амировасул хъаравуллъиялъул чиги ункъо полициявги чIван вугоха. Нижер гъора полициялъулги приставазулги хIалтIухъаби хис-хисула зама-заманалдасан. Гьезие ккана аслияб куцалда зарал. Гьединго нижер хIалтIухъаби рукIана гъора бид риччан.
Гъоба гIемерав чиясе ккана къварилъи. Телевизоралдасан гьерсал рицунел руго. КIиго чи хванин кьуна гьенисан. 8-9 чиниги хвана. Лъебералда хадувниги чи лъукъана гьенив. Гъора рукIарал чагIазда бихьана гурищ кинабго. Аздаги цо нухалда гурелъул бихьулеб бугеб - цо нухалда кьвагьи гьабураб мехалда кIиабизеги тIаде рачIунел ругелъул.
ГIадаллъи щиб нилъер гIадамазул. ЛъебергогIан машинаги хвезабун батула гьениб. ХъахIаб кьералъул пакет рехун бугин гьенибе цо чиясин абулеб бугоха».
21 маялда МахIачхъалаялде щвана Диваналъул приставазул федералияб хъулухъалъул нухмалъулев Артур Парфенчиковги. Азарханаялда регаразухъе щун хадуб, журналистазе гьадин бицана гьес.
Артур Парфенчиков: «Къварилъи ккарал хIалтIухъабазе кумек гьабизе буго, гьединго хIисабалде босулеб буго диваналъул приставазул минаялъе ккараб заралги. Гьеб гьедигIан кIудияб гьечIо. Амма кин букIаниги, дида ккола, гIагараб заманалда жаниб нижеца кинабго рукIалиде бачинилан».
Республикаялъул клиникияб азарханаялде лъукъаразухъе щвана Дагъистаналъул нухмалъулев Рамазан ГIабдулатIиповги.
МахIачхъалаялда хехаб куцалда байбихьана лъукъаразе би кьезеги.
20 маялда МахIачхъалаялда гьабураб теракт лъил пишаяли баянлъизабулел хIужаби ругин жидехъ, лъалин гьезул цIаралги, амма гьабсагIаталда рагьун гьелъул хIакъалъулъ бицине рес гьечIин жидер абураб информация буго интернеталда Дагъистаналъул жанисел ишазул министерлъиялъул хIалтIухъанасде мугъчIвайги гьабун кьураб.
Гьединго ватун вугила гьеб бакIалда кьвагьизабураб автомобилалъул бетIергьанги. ЦIех-рех рагIалде бахъинегIан гьесул цIарги абун бажаруларила.
Амма ЭР-ялъ бухьен гьабидал, жанисел ишазул министерлъиялъул пресс-хъулухъалда лъалеб жо батичIо гьелда тIасан.
Гьез гIицIго тасдикъ гьабуна доб кIиабилеб нухалда кьвагьизабураб автомобилалъул бетIергьан ватиялъул хабар. Гьеб рагIула гIага-шагарго ВАЗ-2108 моделалъул автомобиль.
ТIоцебесеб кьвагьи бахъараб бакIалдаса 20-30 метралъ рикIкIадегIан чIезабун букIун буго гьеб. Амма республикаялда чанги рукIана терактал цереккун гIадамазул рикъарал автомобилал кьвагьизарурал. Гьаб нухалдаги гьединго батизе бегьулин абулеб буго пресс-хъулухъалъул вакилзабаз.
Диваналъул приставазул минаялда цебе кьвагьизабураб тIоцебесеб автомобиль буго гьеб идараялда хIалтIулев чиясул «Тойота-Хайландер». Гьев чи ришватчилъиялъул бутIаялъул нухмалъулев вукIанин абулеб буго полициялъ.
Гьенир бищун гIемер жидер, диваналъул приставазул хъулухъалъул, хIалтIухъаби чIванин, гьединго идараялъул нухмалъулев ТIалхIат Амировасул васасул хъаравулги чIванин бицунеб буго гьений хIалтIулей гIаданалъ. Амма гьелъие бокьичIо жиндирго цIар бицине, щайгурелъул щибниги бицунгеян лъазабулеб бугила жидеда.
Диваналъул приставазул хъулухъалъул хIалтIухъан: «ТIалхIат Амировасул хъаравуллъиялъул чиги ункъо полициявги чIван вугоха. Нижер гъора полициялъулги приставазулги хIалтIухъаби хис-хисула зама-заманалдасан. Гьезие ккана аслияб куцалда зарал. Гьединго нижер хIалтIухъаби рукIана гъора бид риччан.
Гъоба гIемерав чиясе ккана къварилъи. Телевизоралдасан гьерсал рицунел руго. КIиго чи хванин кьуна гьенисан. 8-9 чиниги хвана. Лъебералда хадувниги чи лъукъана гьенив. Гъора рукIарал чагIазда бихьана гурищ кинабго. Аздаги цо нухалда гурелъул бихьулеб бугеб - цо нухалда кьвагьи гьабураб мехалда кIиабизеги тIаде рачIунел ругелъул.
ГIадаллъи щиб нилъер гIадамазул. ЛъебергогIан машинаги хвезабун батула гьениб. ХъахIаб кьералъул пакет рехун бугин гьенибе цо чиясин абулеб бугоха».
21 маялда МахIачхъалаялде щвана Диваналъул приставазул федералияб хъулухъалъул нухмалъулев Артур Парфенчиковги. Азарханаялда регаразухъе щун хадуб, журналистазе гьадин бицана гьес.
Артур Парфенчиков: «Къварилъи ккарал хIалтIухъабазе кумек гьабизе буго, гьединго хIисабалде босулеб буго диваналъул приставазул минаялъе ккараб заралги. Гьеб гьедигIан кIудияб гьечIо. Амма кин букIаниги, дида ккола, гIагараб заманалда жаниб нижеца кинабго рукIалиде бачинилан».
Республикаялъул клиникияб азарханаялде лъукъаразухъе щвана Дагъистаналъул нухмалъулев Рамазан ГIабдулатIиповги.
МахIачхъалаялда хехаб куцалда байбихьана лъукъаразе би кьезеги.
