Олимпиадаялъул гIахьалчагIазе- визаби гьечIеб низам

Россиялъул президент Владимир Путиница улкаялде визаби гьечIого рачIунеб низам чIезабун буго Сочиялда тIоритIизе ругел Олимпиадаялъул хIаязул гIахьалчагIазе ай спортсменазе, тренеразе, арбитразе, командабазул нухмалъулезе ва официалиял делегациязе. Гьедин лъазабулеб буго президентасул сайталда.
Сочиялда хасалил Олимпиадаялъул хIаял тIоритIизе руго 2014 соналъул 7 февралалдаса 23 февралалде щвезегIан.