Радио Эркенаб Европа Эркенлъи Радиоялъул мухбирал ругел регионаздаса суратал. Жеги суратал руго гьаб сайталда: "Picture This" archive.
Анкьил суратал
1
Британиялъул паралимпияй лъедохъан Элеонора Симмондс Британиялъул империялъул Орденалъул офицерлъун яхъун хадуй Букингемалъул кІалгІаялда гвардиялъулазда бихьизабулей йиго 20І2 соналда Британиялда тІобитІараб Паралимпияб хІаязда жиндиего щвараб медаль.
2
Руччаби чІун руго Равалпинди шагьаралъул гьаркьал кьолезул чІитиралда Пакистаналда тІоритІулел кинабго халкъ гІахьаллъарал рищиязда. Талибаз хІинкъиял кьун рукІана руччабазе, гьел рищиязда гІахьаллъиялдаса инкар гьабиялъул мурадгун.
3
Магърибалъул бащдаб дунялалда бищунго борхатаб миналъун гьанже кколеб буго ТІолабго дунялалъул дармил централъул мина. Гьелъул борхалъи ккола 541 метр. Гьал къоязда гьеб минаялда тІад лъуна бегІераб тогь.
4
Пакистан. Лахор шагьаралъул басрияб къваталда гьарзаго руго рищияздацересел плакатал.
5
Бангладеш. Лъабазаргоялдасанги цІикІкІун чи хІалтІулеб чанго фабрика жаниб букІараб гІемертІалаязул мина биххун 17 къоялдаса хвасарчагІазда чІвателазда гъоркь ятун йиго чІагояй чІужугІдан. Савар шагьаралда ккараб трагедиялъул къурбанлъун вахъана 1000-ялдаса цІикІкІун чи.
6
Ростов. Белая Калитва. Химикатал ва нартил продуктал раччулеб поездалъул цистернабиги вагоналги бакІ-бакІалдехун рехун руго ккараб кьвагьиялъул хІасилалда. Лъукъун вуго 27 чи.
7
Миллияб ретІел ретІарал ясал гІахьаллъана Бергьенлъиялъул Къо кІодо гьабулеб мехалда Минскалда.
8
Кыргызстаналъул президент Алмазбек Атамбаев дандчІвана КІиабилеб дунялалъул рагъул ветерангун. Сурат босана президентасул официалияб сайталдаса.
9
Цолъарал штатазул пачалихъияв секретарь Джон Керри ва гьесул коллега Сергей Лавров Москваялда цадахъаб пресс-конференциялда.
10
Казахазул рагъулал ВатІан цІунулезул къоялда Алматыялдаса 150 километралъул манзилалда бугеб Отар абураб полигоналда тІобитІараб парадалда.
11
Иран. Тегеран. Жанисел ишазул министерлъиялъул болъоялда президентасул рищиязда гІахьаллъиялъе жиндирго кандидатураялъул регистарция гьабизе вачІунев МахІмуд АхІмадинеджадил сурат ккун буго Расул Аллагьиярица.
12
Россиялъул рагъулал аэропланал Бергьенлъиялъул парадалъул репетиция унеб мехалда.
13
Белоруссиялъул рагъулал хІадурлъулел руго Минскалда тІобитІизесеб Бергьенлъиялъул парадалде.
14
Милан. Lamborghini автомобилал Сфорца кІалгІаялда цере. Италиялда 1200-километралъул Гранд-тур тІобитІулеб буго гьел автомобилал риччалеб фирмаялъе 50 сон тІубаялда бан.
15
Цолъарал штатазул пачалихъияв секретарь Джон Керри БагІараб майданалда.