Дагъистаналъул Хив мухъалда чIван вуго лъабго изну гьечIого яргъидгIуцIарав. Гьедин лъазабулеб буго низам цIунулел хIалтIухъабаз. Гьезул баяналда рекъон, документазул хал гьабизе гьел лъабгоял рекIараб автомашина чIезабураб мехалда гьел лъабазго байбихьун буго кьвагьизе. Жавабияб кьвагьиялъ гьел чIванги руго. Гьезул кIигоял щал кколели чIезабун буго-гьел ккола цевеги чIванин лъазабун вукIарав Агабаев Багир ва гьесул кумекчилъун рикIкIунев Яров Альберт, лъабабилесул хIакъалъулъ щибниги лъалеб гьечIо.