Бостоналъул мэр Том Мениноца лъазабуна Царнаев Жовгьарил сурав босизе кIвечIого хутIизеги рес бугин. Бостоналда марафоналъул заманалда кьвагьи гьабиялда щаклъи бугезул цояв 19 сон барав Царнаев захIматаб хIалалда буго азарханаялда. Мениноца гьедин абуна ABC (Эй-би-си) телеканалалъул анкьил лъугьа-бахъиназул хIасил гьабулеб программаялда.
Гьебго заманалда Массачусетс штаталъул губернатор Патрик ДевАлица лъазабуна Босноналда марафон унаго бахъараб видеоялда бихьулеб бугин Царнаев жиндихъ букIараб къвачIаги тротуаралда тун парахат гьавун гьениса нахъе уневин. Губернаторас гьединго абуна гьел кьвагьиязда Царнаевазул гIахьаллъи букIин бихьулеб бугин.
Гьелдаса цебе лъазабулеб букIана Царнаевасда гIунтIизабизе бугеб гIайиб
хIадурулеб бугин прокуроразин. Рес буго гьеб гIайиб террористияб багъа-башариялда гIахьаллъи абураб букIинеги.
15 апрелалда Босноналда марафоналъул заманалда рахъарал кьвагьиязда гIахьаллъи букIиналда щаклъи буго Жовгьар Царнаевасул кIудияв вац Тамерланида. Гьев чIван вукIана полицияз вацазда хадур лъугьараб мехалда. Гьеб мехалда гьитIинав вацасда бажарун букIана лъутизе.
Бостоналда кьвагьияз чIвана лъабго ва лъукъана 180 чи.
Гьебго заманалда Массачусетс штаталъул губернатор Патрик ДевАлица лъазабуна Босноналда марафон унаго бахъараб видеоялда бихьулеб бугин Царнаев жиндихъ букIараб къвачIаги тротуаралда тун парахат гьавун гьениса нахъе уневин. Губернаторас гьединго абуна гьел кьвагьиязда Царнаевазул гIахьаллъи букIин бихьулеб бугин.
Гьелдаса цебе лъазабулеб букIана Царнаевасда гIунтIизабизе бугеб гIайиб
хIадурулеб бугин прокуроразин. Рес буго гьеб гIайиб террористияб багъа-башариялда гIахьаллъи абураб букIинеги.
15 апрелалда Босноналда марафоналъул заманалда рахъарал кьвагьиязда гIахьаллъи букIиналда щаклъи буго Жовгьар Царнаевасул кIудияв вац Тамерланида. Гьев чIван вукIана полицияз вацазда хадур лъугьараб мехалда. Гьеб мехалда гьитIинав вацасда бажарун букIана лъутизе.
Бостоналда кьвагьияз чIвана лъабго ва лъукъана 180 чи.