8 апрелалда гIумруялдаса ятIалъана КIудияб Британиялъул йикIарай премьер-министр Маргарет Тетчер. Гьелъие тIубана 87 сон. Гьелъул пресс-секретарь Тимоти Беллица лъазабухъе хвелалъе гIиллалъун ккун буго рекIел хIал хиси. Маргарет Тетчерица Британиялъул хIукуматалъе нухмалъи гьабулеб букIана 1979 соналдаса байбихьун 1990 сон швезегIан. Гьей йикIана КIудияб Британиялъул тарихалда премьер-министрлъун яхъарай тIоцесей чIужу-гIадан ва гьелда абулаан «маххул бикаилан».
«Маххул бика»- Маргарет Тетчер
1
Маргарет Тетчер ва гьелъул рос Денис Тетчер. Лондон, 1951 соналъул Декабрь моцI. Бертин.
2
Маргарет Тэтчер Эдвард Хитил хIукуматалда лъай кьеялъул ва гIелмиял суалазул рахъалъан пачалихъияй секретарлъун хIалтIулеб мехалда. 1970 соналъул Октябрь.
3
Цолъарал Штатазул Пачалихъияв секретарь Гьенри Киссинджер ва Маргарет Тетчер. Лондон, 1975 соналъул Февраль.
4
Маргарет Тетчер ва Израилалъул йикIарай премьер-министр Голда Мейир. Тель-Авив, 1976 соналъул Апрель.
5
Маргарет Тетчер КIудияб Британиялъул премьер-министралъул хъулухъалде ячIараб къоялъ. 1979 соналъул 4-билеб Май.
6
Маргарет Тетчер ва СагIудиязул къирал ФахIд бин ГIабдул ГIазиз. Лондон.
7
Маргарет Тетчер. Лондон, 1979 соналъул Апрель.
8
Маргарет Тетчер Югославиялъул маршал Иосиф Броз Тито абадияб рукъове регIинавиялъул тадбиралда. Белград. Парламенталъул мина. 1980 соналъул Май.
9
Маргарет Тетчер ва гьелъул рос Денис Фолкленд чIинкIиллъабазда. 1983 соналъул Январь.
10
Франциялъул президент Франсуа Миттеран (квегIса) ва Франциялъул къватIисел ишазул министр Рональд Дюма КIудияб Британиялъул премьер-министр Маргарет Тетчер данде кколеб параялъ. Париж, 1984 соналъул Май.
11
Маргарет Тетчер ва Рональд Рейган Кэмп Дэвидалда. 1984 сон.
12
Совет Союзалъул президент Михаил Горбачев ва Маргарет Тетчер цадахъаб пресс-конференциялда. Москва. 1990 сон.
13
Margaret Thatcher reaches out to touch the flag-draped coffin of former U.S. President Ronald Reagan as he lies in state at the U.S. Capitol in June 2004.
14
Маргарет Тетчер. 2008 соналъул Декабрь.