Оджаланица курдазул къеркьохъаназде хитIаб гьабуна

Туркиялъул туснахъалде гIумруялъго жаниве тIамурав Курдазул хIалтIул партиялъул бетIер ГIабдуллагь Оджаланица курдазул къеркьохъаназде ахIи бана Туркиялде данде бачунеб кьал гьоркьоса къотIун, гьеб улкаялъул ракьалдаса яргъид гIуцIарал къукъаби нахъе рачеян абун.

Гьес абулеб буго Туркиялъул хIукуматгун бугеб дагIба-къец политикияб къагIидаялда рагIалде бахъинабизе кколин.

Оджаланил кагъат хамиз къоялъ цIалун букIана Диярбакур шагьаралда Новруз-байрам кIодо гьабулеб мехалда.

Ахирисеб лъебергогIан соналъ Туркиялда халат бахъунеб конфликталда гIага-шагарго кIикъоазарго чи чIван вуго.