Рималъул Папалъун вищун вуго Хорхе Марио Бергольо. Гьес жиндиего босун буго Франциск l абураб цlар. Гьев ккола Аргентинаялдаса ва гьесие буго 76 сон. Франциск l вуго 266 -билев ва Европалдаса гурев тlоцевесв понтифик. Папа вищун вукIин лъана Европалда къаси сагIат анкьго тIубараб гIужалда Сикстинская каппелаялъул тIалдихъан хъахIаб кIкIуй бачIараб ва килисаязул цIурмазул гьаракь бахъараб мехалда. Папаца мунагьал гьечIев Петрил майданалда бакIарараб халкалъ ахlулеб букlана "Вивит Папа!" абун. Папа вищизе 115 кардиналасдасан гIуцIараб конклав бакIарун букIана талат къоялда цевесв Папа 85 сон барав Бенедикт 16-билев февралалъул ахиралда гьеб хъулухъалдаса нахъе ун хадуб. Гьев вуго 600 соналда жаниб гьеб тах жиндиего бокьун тарав тIоцевесев понтифик.