ГΙиракъалда тΙоритΙана манифестацияби

ГΙемер чи гΙахьаллъарал суннитазул демонстрацияби тΙоритΙана рузман къоялда гΙиракъалъул чанго шагьаралда. Фаллуджа ва Баакуба шагьаразул демонстрантаз Ордоналде ва Сириялде унеб нух къана.

Протесталъул акцияби тΙоритΙана гьединго Самара, Мосул , Киркук шагьаразда ва чанго мухъалда.

Манифестантаз риккунеб буго, хΙукуматалъул бетΙер шиит Нури аль Маликица суннитазде тΙадецуй гьабулеб бугин ва тΙалаб гьабулеб буго ращадал ихтиярал киназего.