Билалов хъулухъаздаса эркен гьавизе вуго.

Россиялъул Олимпиялъул комитеталъул вице-президент ва цого мехалъ "Курорты Северного Кавказа" абулеб компаниялъул бетIер Билалов АхIмад кIиябго хъулухъалдаса эркен гьавизе вуго.

Гьадин лъазабуна Россиялъул вице-премьер Дмитрий Козакица.

Гьесул рагIабазда рекъон гьадинаб хIукмуялъе гIиллалъун ккун бугин Сочиялда олимпиялъул объектал лъикIаб гуреб хIалалда ралел рукIин.

Хасго Билаловасул компаниялъ гьабулеб буго гьеб хIалтIи.

АрбагI къоялъ гьеб хIалтIи какана Россиялъул президент Владимир Путиницаги.