Россиялда бищунго машгьураб информация балагьулеб интернет-сурсаталъ Санкт-Петербургалъул штаб-квартираялда хΙалтΙизабун буго оригиналияб ва гΙажаибаб дизайнги хΙалтΙул шартΙалги. ЦΙияб оффисалъул концепция хΙадур гьабун буго "За Бор" абулеб архитектурияб студиялъ. Санкт-Петербургалъул Бенуал централда бугеб офисалде Yandex гочана 2012 соналда. Гьанже Яндексалъул офисаз ккун буго 3000 квадратияб метр. Гьелъул аслияб коридоралъул халалъи бащалъулеб буго 200 метралда.
