Афгъанистаналъул нухлол полициялде тΙадекΙанцΙарал тагΙинарун руго

Кабулалда рагΙалде бахъун буго полициялъулаздаги боевиказдаги гьоркьоб ккараб тунка-гΙуси. Ахирисез ккун букΙун буго нухлол полициялъул мина.

Афгъанистаналъул жанисел ишазул министр хисулев ГΙабдурахΙман РахΙманица лъазабухъе, лъабго яргъид гΙуцΙарав ворчΙун вуго минаялде жаниве. Гьез кьвагьизабун буго тΙаде унеб болъо ва ярагъ цΙунулеб рукъ буссинабун буго жидерго щулалъизабураб позициялде.

Чанго сагΙаталъ халат бахъараб кьвагьи-гΙанхъиялъул хΙассилалда тΙадекΙанцΙарал тагΙинарун руго. Хун вуго гьединго нухлол полициялъул лъабгоявги. ТΙадекΙанциялъул жавабчилъи жидедего таде босун буго талибаз.