Афгъанистаналъул Гильменд провинциялда батун буго 19 декабралда жив киве ккаравали лъачΙого тΙагΙун вукΙарав гуржиязул солдатасул жаназа. Гергий Кикадзе чΙван вукΙиналъул информация тасдикъ гьабуна гуржиязул улка цΙуниялъул министр Ираклий Аласанияца. Гьединаб къагΙидаялда Афгъанистаналда хварав гуржиязул рагъулазул къадар бахана 19 чиясде. Лъебергоялдаса цΙикΙкΙун лъукъунги вуго. 1650 чиясдаса гуржиязул рагъулазул контингент Афгъанистаналде щвезабун букΙана 2009 соналда.