ЧΙван вуго Шималияб Осетиялъул муфтий хисулев Дударов Ибрагьим. Гьесул жаназа батун буго арбагΙ къоялъул маркΙачΙуда Владикавказ – Чми нухда. Цереккунисел лъазабиязда рекъон, рукъуве унеб нухда жал щалали лъаларел гΙадамаз Дударов чΙезавун вуго ва гьеб бакΙалдаго чΙван вуго. Шималияб Осетиялъул муфтий Гацалов ХΙажи-Муратица жиндирго пиша цояв чΙвай хурхинабулеб буго республикаялъул бусурбабазул РухΙияб идараялда гьес гьабулеб хΙалтΙуда.