Мисриялъул президент МохΙамад Мурсица арбагΙ къоялда гъулбасана миллияб референдумалда тасдикъ гьабураб конституциялъул цΙияб проект. Талат къоялъ Централияб рищиязул комиссиялъ загьир гьарурал официалиял хΙассилазда рекъон, документалъул рахъ ккун буго рищарухъабазул 64 проценталъ. Гьелдаго цадахъ гьаркьал кьезе рачΙаразул къадар букΙана цΙакъ гьитΙинаб. Референдумалда гΙахаллъун буго регистрация гьабуразул къадаралдаса лъабго бутΙаялдаса цо бутΙа.
Документалде данде чΙарал оппозициялъул рахъ ккураз риккунеб буго, гьелъ гарантия кьолеб гьечΙин гражданазул, гьездаго гъорлъ руччабазул ва батΙи-батΙиял гΙисинал къокъабазул аслиял ихтиярал цΙунизе рукΙиналъул.
Проект хΙадур гьабун букΙана аслияб къагΙидаялда исламистал ругеб гъоркьияб палатаялъ. РукΙинесел парламенталъул рищиязда хурхараб къануналда хиса-басиял гьаризе тΙад къараб тΙасияб палатаялдаги аслияб къадар ккола исламистазул.
Документалде данде чΙарал оппозициялъул рахъ ккураз риккунеб буго, гьелъ гарантия кьолеб гьечΙин гражданазул, гьездаго гъорлъ руччабазул ва батΙи-батΙиял гΙисинал къокъабазул аслиял ихтиярал цΙунизе рукΙиналъул.
Проект хΙадур гьабун букΙана аслияб къагΙидаялда исламистал ругеб гъоркьияб палатаялъ. РукΙинесел парламенталъул рищиязда хурхараб къануналда хиса-басиял гьаризе тΙад къараб тΙасияб палатаялдаги аслияб къадар ккола исламистазул.