Жанубияб Суданалда Россиялъул аскариял чIвана.

Жанубияб Суданалъул аскарияз гъалатIалдалъун кьвагьдей гьабун бортизабуна Цолъарал Миллатазул ГIуцIиялъул рекъел цIуниялъул къуватазул Ми-8 тайпаялъул тирело. ЧIван вуго гьелда рекIун вукIрав россиялъул ункъго аскарияв.

Цолъарал Миллатазул ГIуцIиялъул генералияв секретарь Пан Ги Муница кутакалда какана Жанубияб Суданалъул аскарияз гьабураб иш. Доб тирело рекъел цIунулел аскариязул тирело букIараблъи якъинго бихьулеб букIана, ян ракIалде швезабуна гьес.

Жиндир иргаялда Жанубияб Суданалъул аскарияз абуна жидеда кколаан къеркьейчагIазе ярагъ бачунеб тирело гьеб букIанин.