Нальчикалда чIван вуго журналист

Гъабардагун-Балкариялъул Нальчик шагьаралда чIван вуго «Вести КБР» абулеб цIиял харбазул программа бачунев вукIарав Геккиев Казбек. Гьесде кьвагьарав кIиго чи валагьулев вуго. Гьедин лъазабулеб буго республикаялъул жанисел ишазул министерлъиялъул пресс-хъулухъалъ. Гьезулго рагIабазда рекъон, такъсирчагIи лъутизе бегьулел нухал къан руго.
Журналист чIван вуго арбагI къоялъ къасисеб эфиралдаса хадуб. Гьединго руго Геккиевасе ва бакIалъул чанго информалатазул мухбиразе хIинкъаби кьолел рукIанин абулел лъазабиялги.