Amnesty Internationalлъул ургъел ккун буго Афгъанистаналда чΙваялъул хΙукму тΙабазабиялда бан

Amnesty International абураб халкъазда гьоркьосеб инсанасул ихтиярал цΙунулеб гΙуцΙиялъ загьир гьабуна жиндир цΙакъ ракΙ хун букΙиналъул пикру, кΙиго къоялъ цебе Афгъанистаналда диваналъул хΙукму тΙабазабулаго Ι4 туснахъав чΙвайялда бан. Инсанасул ихтиярал цΙунулез кΙвар буссинабулеб буго, ахирисел соназда афгъанистаналъул нухмалъиялъ гьединал галабазде инчΙого чΙезе гΙамал гьабулеб букΙиналде.

Афгъанистаналъул нухмалъиялъ диалог гΙуцΙиялъе гΙамал гьабулел талибаз лъазабун буго, жидеца жавабаиял галаби гьаризе ругин, чΙваразда гъорлъ жидер рахъ кколел рукΙун ратаниян абун.