Дагъистаналдаса ГIумаханов ХIабибида гIунтIизабун буго Хасавюрт мухъалъул бетIерлъун вукIарав Алхаматов ГIалимсултIан чIваялъул гIайиб. Гьединго гьесда гIунтIизабулеб буго къануналде данде кколареб куцалда ярагъ хIалтIизаби ва ургъунго чиясул сахлъиялъе зарал гьаби абурал гIайибал. Гьедин лъазабулеб буго Россиялъул цIех-рехалъул комитеталъ.
Алхаматов чIван вукIана 2009 соналъул сентябралда Москваялда.
ЦIех-рехалъул баяназда рекъон, Гилани Саипов, Заурбек МухIамадов, ХIабиб ГIумаханов, МикагIил Къадиев ва ХIабиб Будайханов Мерседесалда рекIун рачIун руго Москваялда Алхаматовасул рукъалде цере ва гьев вачIинегIанги чIун, гьесде ва гьев цIунулев чиясде кьвагьун буго.
Алхаматов бакIалдаго хун вуго, гьев цIунулев вукIарав Митиков чIаго хутIун вуго. Гьеб бакIалдаса лъутулаго, гьез нухлул гIадлу хвезабиялъ милициялъ кIвар кьун буго гьезде ва машина бачунев вукIарав Будайханов кквезе щун вуго. Гьедин лъазабулеб буго цIех-рехалъул комитеталъ.
Будайхановас жинда гIунтIизабулеб букIараб гIайиб нахъчIвалеб букIаниги диванханаялъ гьесие кьун буго туснахъалъул 12 сон.
Алманиялда интерполалъ ккурав Хасавюрт шагьаралъул мэр ГIумаханов Сайгидпашал вацасул вас ХIабибие гьал къоязда Москваялде экстрадиция гьабун букIана.
Алхаматов чIван вукIана 2009 соналъул сентябралда Москваялда.
ЦIех-рехалъул баяназда рекъон, Гилани Саипов, Заурбек МухIамадов, ХIабиб ГIумаханов, МикагIил Къадиев ва ХIабиб Будайханов Мерседесалда рекIун рачIун руго Москваялда Алхаматовасул рукъалде цере ва гьев вачIинегIанги чIун, гьесде ва гьев цIунулев чиясде кьвагьун буго.
Алхаматов бакIалдаго хун вуго, гьев цIунулев вукIарав Митиков чIаго хутIун вуго. Гьеб бакIалдаса лъутулаго, гьез нухлул гIадлу хвезабиялъ милициялъ кIвар кьун буго гьезде ва машина бачунев вукIарав Будайханов кквезе щун вуго. Гьедин лъазабулеб буго цIех-рехалъул комитеталъ.
Будайхановас жинда гIунтIизабулеб букIараб гIайиб нахъчIвалеб букIаниги диванханаялъ гьесие кьун буго туснахъалъул 12 сон.
Алманиялда интерполалъ ккурав Хасавюрт шагьаралъул мэр ГIумаханов Сайгидпашал вацасул вас ХIабибие гьал къоязда Москваялде экстрадиция гьабун букIана.