Гуржиязул рукIарал цо-цо бутIрул ккун руго.

Гуржистаналъул тIадтаразул шаклъи ккун буго улка цIуниялъул вукIарав министр Бачо Ахалаяца, яргъид гIуцIарал къуватазул генералияб штабалъул вукIарав бетIер Георгий Каландадзеца ва цо рагъулаб къукъаялъул бетIерлъун вукIарав Зураб Шаматаваца жидерго ихтиярал гIорхъолъа рорчIун тIуразарун рукIиналда. Гьев лъабавго ккун вуго.

Гуржистаналъул генералияв прокурор Арчил Кбилашвилица арбагI къоялъ лъазабуна цIех-рехалъ тIад чIезабун бугин гъоркьисала гьез анлъго рагъулав хъулухъчи вуххун вукIараблъи.

Улкаялъул премьер-министр Бидзина Иванишвилица гьелда бан абуна рехсарал гIадамал кквеялъе мухIканаб гIилла букIанин ва гьелъие кинабгIаги политикияб кьучI гьечIин.