Украиналъул оппозиция рищиязул хасилалда разияб гьечIо.

Украиналъул оппозициялъ итни къоялъ улкаялъул Рищиязул Централияб Комиссиялъул минаялда цебе протесталъул акция тIобитIана. Гьел разиял гьечIо 28 октябралда рукIарал рищиязул официалияб хIасилалда.

Оппозициялъ Украиналъул президент Виктор Януковичасде гьабулеб жиндирго хитIабалда абулеб буго арал рищиязда низам хвезабулел гIемерал хIужаби ратун ругин ва официалияб хIасил хIилла-макруялдалъун гьабун бугин.

Халат бахъунеб гьеб митингалда гIахьаллъи гьабулеб буго аза-азар чияс.