Нью-Йорк ва Нью-Джерси штатазда гІолеб гьечІо цІатари

«Сэнди» ураганалдаса зарал ккарав 800 азаргоялдаса цІиккун чи Нью-Йоркалда хутІулев вуго электроэнергия гьечІого.

Нью-Йорк ва Нью-Джерси штатазда кІудиял захІмалъаби руго цІатариялъул дефициталъе гІоло. Гьелда хадур руго хала-халатал чІитирал.

Нью-Йоркалъул мэр Майкл Блумбергица электроэнергия гьечІого хутІарал минабазда гІумру гьабун ругел, хасго херал чагІи, ахІана, проблема рагІалде бахъинабизегІан хасал хинлъизарулел бакІазда чІеялде. Гьанже шагьаралда температура ноль градусалде гІодобе ккана.