Россиялъул Федерациялъул мажлисалъ къабул гьабуна пачалихъияб балъголъи, пачалихъалъе хилиплъи ва жасуслъи гьаби абурал бичIчIенал такъсир гьабиялъул кодексалда мухIкан гьабулеб къануналъул проект. Хиса-басиязда рекъон, 8 соналъул туснахъ бихьизабизе бегьула гражданасе къануналде данде кколареб къагΙидаялда пачалихъалъул балъголъилъун рикΙкΙунеб информация бакΙариялъе яги балъгояб инфомация улка тун къват1ибе кьеялъе гΙоло.
Гьеб гуребги хисизабулеб буго «Пачалихъалъе хияналъи гьаби» абураб статьяги. Гьеб такъсиралъул ишаралъун букΙине бегьула Россиялъул хΙинкъигьечΙолъиялъе заралгун къватΙисеб пачалихъалъе финансаздалъун, консультацияздалъун ва цогидаб кумек гьаби.
Россиялъул инсанасул ихтиярал цΙунулез хъачΙаб къагΙидаялда какулеб буго гьел хиса-басиял. Гьез абулеб буго, гьеб галиялъ нухмалъиялъе рес рагьулеб бугин жиндие данде кколарев бокьарав чи туснахъалде рехизеян ва гьелъ нилъ советияб гуреб, сталинил советияб заманалде нахъ руссинарулел ругилан. Михаил Федотовас, Людмила Алексеевалъ, Светлана Ганнушкиналъ, Лев Пономаревас, Валерий Борщовас хитΙаб гьабун буго Федерациялъул мажлисалъул спикер Валентина Матвиенкохъе, гьеб хиса-басиялдаса инкар гьабеян гьарун.
ФСБялъ лъазабуна, пачалихъияб балъголъиялда хурхараб къанун къвакΙизаби хурхараб бугила къватΙисел пачалихъазул хасал хъулухъазул тактика хисиялдайин.
Гьеб гуребги хисизабулеб буго «Пачалихъалъе хияналъи гьаби» абураб статьяги. Гьеб такъсиралъул ишаралъун букΙине бегьула Россиялъул хΙинкъигьечΙолъиялъе заралгун къватΙисеб пачалихъалъе финансаздалъун, консультацияздалъун ва цогидаб кумек гьаби.
Россиялъул инсанасул ихтиярал цΙунулез хъачΙаб къагΙидаялда какулеб буго гьел хиса-басиял. Гьез абулеб буго, гьеб галиялъ нухмалъиялъе рес рагьулеб бугин жиндие данде кколарев бокьарав чи туснахъалде рехизеян ва гьелъ нилъ советияб гуреб, сталинил советияб заманалде нахъ руссинарулел ругилан. Михаил Федотовас, Людмила Алексеевалъ, Светлана Ганнушкиналъ, Лев Пономаревас, Валерий Борщовас хитΙаб гьабун буго Федерациялъул мажлисалъул спикер Валентина Матвиенкохъе, гьеб хиса-басиялдаса инкар гьабеян гьарун.
ФСБялъ лъазабуна, пачалихъияб балъголъиялда хурхараб къанун къвакΙизаби хурхараб бугила къватΙисел пачалихъазул хасал хъулухъазул тактика хисиялдайин.