Сириялъул кризисалдаса цΙакъ кΙудияб хΙинкъи буго тΙолабго регионалъе. Халкъазда гьоркьосеб жамгΙияталъ цолъун, кумек гьабизе ккола ахΙвал-хΙал рукΙалиде буссинабизе. Гьединаб лъазаби гьабуна Сириялда халкъазда гьоркьосев вакил Лагьдар Брагьимица Москваялда россиялъул къватΙисел ишазул министр Сергей Лавровасулгун рукΙарал кΙалъа-басаязда хадуб. ЛавровасгогΙадин Брагьимицаги лъазабуна Къурбан къояз тунка-гΙусиял чΙезариялъул ахΙиял рахъазда рагΙичΙого хутΙун букΙиналда бан кутакалда ракΙ хун букΙиналъул хΙакъалъулъ.
Лавровасул рагΙабазда, гьанже аслияб масъала ккола конфликталъул кΙиябго рахъалда гьоркьор тунка-гΙусиял чΙезари. Гьелда хадуб Сириялде битΙизе бегьула гΙуралъ кΙодо гьабураб Цолъарал миллатазул гΙуцΙиялъул тоххалчагΙазул къокъа.
Лавровасул рагΙабазда, гьанже аслияб масъала ккола конфликталъул кΙиябго рахъалда гьоркьор тунка-гΙусиял чΙезари. Гьелда хадуб Сириялде битΙизе бегьула гΙуралъ кΙодо гьабураб Цолъарал миллатазул гΙуцΙиялъул тоххалчагΙазул къокъа.