Москваялда «Космос» петералда байбихьун буго Дагъистаналъул халкъазул иргадулаб гуреб съезд. Гьеб данделъи тIобитIулеб буго «БичIчIаларо Дагъистаналда рагъ» абураб игIланалад гъоркь. Пачалихъияб Думаялъул депутат ГIабдулатIипов Рамазанил щаклъи буго республика тун къватIибехун гьединаб съезд гьабизе ккеялдаго. Гьеб ахIун буго «Нижер Дагъистан» абулеб жамгIияб багъа-башариялъул инициативаялда рекъон ва гьеб гIуцIаразда гьоркьор руго республикалъул Пенсионияб фондалъул бетIерлъун вукIарав Амучи Амутинов ва «РитIухъаб Россия» партиялъул дагъистаналъул бутIаялъул лидер ГIумаров ХIажимурад.