Палестиналда рищиял.

Ордон гIурул магърибалъул рагIалда бугеб Палестиналъул территориялда шамат къоялъ байбихьана бакIалъулал рищиял.

Аслияб къец унеб буго гьабсагIат хIакимлъудда бугеб ФатхI абулеб багъа-башариялъул батIи-батIиял фракциязул вакилзабазда гьоркьоб.

Гьеб багъа-башариялъул цевехъанлъун ккола Палестинаялъул гьанжесев бетIер МахIмуд ГIаббас.

2007 соналдаса байбихьун Газа секторалда тIад контроль гьабулеб ХАМАС гIуцIиялъ гьенир рищиял тIоритIизе изну кьун гьечIо.