Гъалгъазул республикалъул хΙукуматалъулгурел гΙуцΙабазул вакильзабаз нахъ чΙвалеб буго къватΙисел пачалихъазулгун жидерго бухьен букΙин ва гьезул гΙуцΙиязул хΙалтΙи чΙезабиялъул Федералияб хасаб хъулухъалъул республикаялъул бутΙаялъул хΙукму риккунеб буго мекъаблъун. Гьелъул хΙакъалъулъ «Эхо Москвы» радиоялъе лъазабун буго инсанасул ихтиярал цΙунулев Александр Черкасовас. БичΙчΙунебцин гьечΙин, сунда хурхараб бугебали хΙукуматалъулгурел гΙуцΙабазда хурхун ФСБялъул цΙидахараб риторикаян лъазабун буго гьес.
ФСБялъул республикаялъул идараялъул вакиль Юрий Серышевас булеб буго, жидеца тΙтинабунин къватΙисел улкабазул хасал хъулухъазулгун бухьенал ругеб къого гΙуцΙиян. Гьел гуцΙабаз демократия цебетΙезабиялъул бакΙалда, къватΙисел улкабазе информация бакΙарулеб букΙанин, гьелдаго гъорлъ низам цΙунулел гΙуцΙабазул хΙалтΙулгиян.
Серышевасул рагΙабазда, республикаялда цогиги лъабго гΙуцΙи буго, цΙияб къануналда рекъон, къватΙисел пачалихъазул агенталлъун кколеб. Гьезул цояб бугин МАШР абураб инсанасул ихтиярал цΙунулеб гΙуцΙиян, жубалеб буго Серышевас.
ФСБялъул республикаялъул идараялъул вакиль Юрий Серышевас булеб буго, жидеца тΙтинабунин къватΙисел улкабазул хасал хъулухъазулгун бухьенал ругеб къого гΙуцΙиян. Гьел гуцΙабаз демократия цебетΙезабиялъул бакΙалда, къватΙисел улкабазе информация бакΙарулеб букΙанин, гьелдаго гъорлъ низам цΙунулел гΙуцΙабазул хΙалтΙулгиян.
Серышевасул рагΙабазда, республикаялда цогиги лъабго гΙуцΙи буго, цΙияб къануналда рекъон, къватΙисел пачалихъазул агенталлъун кколеб. Гьезул цояб бугин МАШР абураб инсанасул ихтиярал цΙунулеб гΙуцΙиян, жубалеб буго Серышевас.