Щивали лъаларев ункъго чияс Болъихъ мухъалда инкассаторазул автомашиналде тIадекIанцIи гьабун ва чIвалин хIинкъаби кьун бахъун буго 13,5 миллион гъурущ. Гьеб букIун буго мухъалдаго бикьулеб пенсиязул гIарац. Гьедин лъазабулеб буго Дагъистаналъул Жанисел ишазул министрелъиялъ. Гьелъулго баяналда рекъон, тIадекIанцIи гьабурал рекIун рукIараб автомашина батун буго бухIизеги бухIун Болъихъ росдал сверухълъиялда. Гьел чагIи ралагьулел рагIула.