Москваялъул диванханаялда халат бахъунеб буго Дмитрий Кратовасул ишалъул хал гьаби. Гьев вукIана Hermitage Capital фондалъул юрист Сергей Магнитский хвараб «Бутырка» абулеб цlех-рехалъул изоляторалъул нухмалъулев хисулевлъун. Гьесда гIунтIизабулеб буго юрист хвеялде иш ккеледухъ хIалтIи хашго гьабиялъул ва заманалда Магнитскиясе медициналъул кумек гьабизе шартIал чIезаричIолъиялъул гIайиб. Магнитский туснахъалде ккун вукIана магъало кьечIолъиялъул гIайибги гIунтIизабун 2009 соналда, гьебги россиялъул бюджеталдаса цIакъ гIемераб гIарац бикьулеб букIин гьесда тIатун хадуб.