Нарышкиница ПАСЕялъул ракI буссинабуна.

Европаялъул Шураялъул Парламентияб Ассамблеялъул бетIер Жан-Клод Миньоница абулеб буго жиндир ракI буссинабун бугин Россиялъул Пачалихъияб Думаялъул спикер Сергей Нарышкиница гьабураб хIукмуялъ.

Хамис къоялъ Нарышкиница лъазабуна жив иргадулаб сессиялде ине гьечIин. Жиндир ракI чIараб бугин Ассамблеялъул цо-цо мушаварачагIаз ва русофобазул къукъабаз жиндирго каламалъухъ гьинтIамизе гьечIолъиялда. Хасго кинал делегациял гьел кколелали Нарышкиница дурус гьабичIо.

ПАСЕялъ Россиялдаса тIалаб гьабулеб буго демократиялъе дагьабниги гIатIидаб нух кьей.