Россиялъул инсанасул ихтиярал цΙунулез, хъвадарухъабаз, жамгΙиял хΙаракатчагΙаз россиялъул нухмалъиялде хитΙаб гьабун ахΙулеб буго 6 маялда Болотная майданалда букΙараб акциялъул гΙахьалчагΙазда бан гьабулеб цΙехх-рехх чΙезабиялде. Доб къоялда «Миллионазул марш» тΙобитΙулеб мехалда тунка-гΙуси ккана демонтсрантаздаги полициялдаги гьоркьоб. Такъсирияб иш рагьун ккуна 17 чи. Гьезул гΙемерисел руго изоляторазда. «За права человека» абураб гΙуцΙиялъул сайталда бахъараб хитΙабалда лъазабулеб буго, анлъабилеб маялъул лъугьа-бахъиналда хурхун рагьараб такъсириял ишазул гΙицΙго политикияб багьана бугилан. ХитΙаблда гъоркь гъулбасал лъун руго Борис Стругацкияс, Людмила Улицкаялъ, Людмила Алексеевалъ, Лев Пономаревас ва цогидаз.
"Болотная ишалъул" арестантал эркен гьари тΙалаб гьабулеб буго жамгΙиял хΙаракатчагΙаз
