Цолъарал милллатазул гΙуцΙиялъул инсанасул ихтиярал хвезариялъул цΙех-рехал гьарулеб комиссиялъул бетΙер Пауло Сержио Пинейроца лъазабуна, Сириялда жакъа ругила къватΙисел пачалихъаздасан экстремистиял къокъабазул гΙахьалчагΙи, гьездаго гъорлъ жигьадисталгиян. Гьезул цо-цояз гΙамал гьабулеб бугила сириялъул оопозициялъул рахъ ккуразул къуватазде гъорлъе журазе, гьезде идеологияб асар гьабиялъул мурадгун.
Пинейроца гьединго кΙвар буссинабулеб буго, ахирисеб чанго анкьида жаниб Сириялда инсанасул ихтиярал хвезариялъул хΙужжаби бихьулеб къагΙидаялда цΙиккун рукΙиналде. Гьесул докладалда бицунеб буго хΙукуматалъул къуватаз ва гьезул рахъ ккураз оппозициалъул гΙуцΙияздасан гΙемер нухалъ цΙиккун кΙудиял рагъулал такъисрал гьарунин.
Human Rights Watch абураб инсанасул ихтиярал цΙунулеб гΙуцΙиялъ итни къоялда загьир гьабураб жиндирго докладалда лъазабулеб буго, сириялъул оппозициялъул къуватазул цо-цо вакильзабаз гьарурал такъсиразул хΙакъалъулъ. Гьел хурхарал рагΙула ккуразе гΙазаб кьеялда ва диван гьабичΙого гΙадамал чΙваялда. Гьединал хΙужжаби тΙатун руго Идлиб, Алеппо ва Латакия шагьаразда.
Сириялъул оппозициялъул хΙаракатчагΙазул хΙисабалда, улкаялда 18 моцΙалъ цебе байбихьараб конфликталъул хΙассилалда хун вуго бищун дагь босун 23 азарго чи.
Пинейроца гьединго кΙвар буссинабулеб буго, ахирисеб чанго анкьида жаниб Сириялда инсанасул ихтиярал хвезариялъул хΙужжаби бихьулеб къагΙидаялда цΙиккун рукΙиналде. Гьесул докладалда бицунеб буго хΙукуматалъул къуватаз ва гьезул рахъ ккураз оппозициалъул гΙуцΙияздасан гΙемер нухалъ цΙиккун кΙудиял рагъулал такъисрал гьарунин.
Human Rights Watch абураб инсанасул ихтиярал цΙунулеб гΙуцΙиялъ итни къоялда загьир гьабураб жиндирго докладалда лъазабулеб буго, сириялъул оппозициялъул къуватазул цо-цо вакильзабаз гьарурал такъсиразул хΙакъалъулъ. Гьел хурхарал рагΙула ккуразе гΙазаб кьеялда ва диван гьабичΙого гΙадамал чΙваялда. Гьединал хΙужжаби тΙатун руго Идлиб, Алеппо ва Латакия шагьаразда.
Сириялъул оппозициялъул хΙаракатчагΙазул хΙисабалда, улкаялда 18 моцΙалъ цебе байбихьараб конфликталъул хΙассилалда хун вуго бищун дагь босун 23 азарго чи.