Иран-Канада: дипломатиялъул бухьенал гьоркьоса къотIи

Ираналъ Канадаялъул тIалъи какана гьелъ кIиябго улкаялъул дипломатикиял бухьенал гьоркьоса къотIун букIиналда бан. Ираналъул къватIисел ишазул министерлъиялъул вакилас абуна гьединаб хIукму сионистазул низамалъ гьабулеб асаралъул хIасил бугилан.

Тегераналъ данде кколеб жаваб кьезехъин бугин тIаде жубана гьес. Канадаялъул хIукуматалъ лъазабуна гьадинаб хIукмуялъе гIиллалъун ккун бугин Ираналъ Башар Асадил низамалъе ярагъ кьей.