Гьиллари Клинтонил ракI буссун буго Китаялъул ва Россиялъул позициялдаса

Китаялда официалияб сапар бухьулей Цолъарал Штатазул пачалихъияй секретарь Гьиллари Клинтоница лъазабуна жиндир ракI буссинабун бугин Шамалъул Президент Башар Асадил низамалде данде Америкалъ ва цогидал улкабаз санкциял лъазаризе гьабулеб къасдалъе Россиялъги Китаялъги квер бакъи гьабулеб гьечIолъиялъ.

Гьеб суал дандбалаго Китаялъул къватIисел ищазул министр Ян Цзечица абуна Пекиналъ тIубараб квербакъи гьабулеб бугин Цолъарал Миллатазул ГIуцIиялъул ва ГIараб улкабазул Лигаялъул хасав нухтIал Лахдар Брахимил хIалтIуе.