Сербия хIадураб буго Косовогун диалогалде

Талат къоялъ Брюсселалда Евроцолъиялъул бетIер Гьерман ван Ромпейгун тIоритIарал кIалъа-басаязда Сербиялъул цIияв премьер-министр Ивица Дачичица лъазабуна Косовоялъул тIалъигун диалогалде жиндир хIукумат хIадураб бугин.

Евроцолъиялъул бетIерас ракIалде швезабуна дунялалъул цIикIкIунисел улкабаз Косово лъидаго бачIеб пачалихъ хIисабалда къабул гьабураблъи. Исана март моцIалда Евроцолъиялъ Сербиялъе кьезехъин буго кандидат-улкаялъул официалияб статус.